Zënter 2016 publizéiert de Centre national de littérature an Zusammenaarbecht mam SCRIPT didaktescht Material fir den Däitsch-, Franséisch- an Engleschunterrecht, dat et Enseignanten erliichtert, Texter vu Lëtzebuerger Autorinnen an Auteuren am ESC an ESG ze behandelen. Een Deel vun dësen Texter staamt aus der 2012 vun der Éducation nationale publizéierter Anthologie Literaresch Welten, déi däitsch, franséisch a lëtzebuergesch Texter enthält an an alle Schoulen als Klassesaz verfügbar ass.
D‘Material gëtt den Enseignantë gratis als Mapp an als .pdf zur Verfügung gestallt. Dozou gehéiert:
- eng Lektür vum Text als .mp3
- eng literaresch Analys
- eng kuerz Situéierung vum Text am Kontext vum Unterrecht
- Aarbechtsblieder
- Tafelbiller
- Kopéiervirlagen
- zousätzlech Texter
D‘Mappe versti sech als Hëllefsmëttel, ouni dass hei de Cours scho virginn ass. Sou gëtt zum Beispill méi Material zur Verfügung gestallt, wéi normalerweis zu engem Text ka genotzt ginn, an d’Material selwer léisst sech op ënnerschiddlech Manéieren a mat verschiddene Sozialformen asetzen. Deem eenzelnen Enseignant bleift doduerch e grousst Mooss u Selbststännegkeet an der Gestaltung vum Cours.
Gläichzäiteg bitt de Centre national de littérature och ëmmer erëm Formations continues zur Literatur vu Lëtzebuerger Autorinnen an Auteuren am Enseignement secondaire un.
Dir fannt all eis Dossieren um Heydoo-Site vun der Éducation nationale, dee mat der Plattform Pearltrees verbonnen ass: https://www.heydoo.lu/lu/cnl-literaturdidaktik
Méi Informatiounen zu eiser didaktescher Aarbecht kritt dir am CNL: tim.reuter@cnl.etat.lu
Bis elo sinn erauskomm:
- Guy Helminger
Theater
Zu enger Kuerzgeschicht aus dem Band Etwas fehlt immer, den 2005 am Suhrkamp Verlag erauskoum. - Joseph Funck
Kleines Schicksal
Zur Ufankspassage vun dësem Roman, den 1934 fir d’éischt erauskoum. - Jean Portante
Mrs Haroy ou la mémoire de la baleine
Zu zwee Passagen aus dësem Roman vun 1993. - Lambert Schlechter
Le murmure du monde et autres fragments
Zu engem Extrait vun dësem Text aus dem Joer 2006. - Hugo Gernsback
Ralph 124C 41+
Zur Science-Fiction-Literatur vum Hugo Gernsback – de Roman Ralph 124C 41+ ass vun 1911/12. - Georges Hausemer
Nepal. Zirkusluft, rätselhaft.
Zu enger Reeserzielung aus dem Sammelband „Und abends ein Giraffenbier“ vun 2006 - Marie-Henriette Steil
Der Outsider
Zu enger Kuerzgeschicht aus dem Joer 1926 - Margret Steckel
Die Schauspielerin und ich
Zu engem Extrait aus dësem Roman vun 2003 - Lex Jacoby
Bonsai
Zu enger Kuerzgeschicht aus dem Erzielband „Wasserzeichen“, dee 1996 mam Servais-Präis ausgezeechent gouf
- Nicolas Konert
Folle Jeunesse
Zu zwee Extraiten aus dësem Roman vun 1938
- Guy Wagner
Aber nach Brügge kamen wir nicht
Zu enger Kuerzgeschicht aus dem Sammelband „Texte um Spuren“ aus dem Joer 1978
- Batty Weber
Über Mischkultur in Luxemburg
Frantz Clément
Zwischen den Rassen
Zu zwee kulturtheoreeteschen Essayen aus de Joren 1909 an 1923
- Guy Helminger
Neubrasilien
Zu engem Extrait aus dësem Roman vun 2010 - Alexander Weicker
Fetzen
Zu engem Extrait aus dësem Roman vun 1921 - Claudine Muno
The Moon of the Big Winds
Zu zwee Extraiten auf dësem Roman vun 1996 - Norbert Jacques
Dr. Mabuse, der Spieler
Zu engem Extrait aus dësem Roman vun 1921/22 - Roger Manderscheid
die dromedare
stille tage in luxemburg
Zu zwee Extraiten aus dem Roman esouwéi dem Kultfilm vun 1973 - Alexandra Fixmer
la reine du lampertsbierg
Zu dräi Extraiten aus dëser Erzielung vun 2012