Dossier pédagogiques

D’Anthologie Literaresch Welten läit als Klassesaz an alle Schoulen vum ESC an ESG. Zënter 2016 Joer presentéieren de CNL an de SCRIPT didaktescht Material zu verschiddenen Texter aus dëser Anthologie.

Dëst Material gëtt den Enseignanten gratis als Mapp oder als .pdf zur Verfügung gestallt. Dozou gehéiert:

  • eng Lektür vum Text als .mp3
  • eng literaresch Analys
  • eng kuerz Situéierung vum Text am Kontext vum Unterrecht
  • Aarbechtsblieder
  • Tafelbiller
  • Kopéiervirlagen
  • zousätzlech Texter

Des Mapp versteet sech als Hëllefsmëttel, ouni dass hei de Cours scho virginn ass. Sou gëtt zum Beispill vill méi Material zur Verfügung gestallt, wéi normalerweis zu engem Text kann an Asaz kommen, an d’Material selwer léisst sech op ënnerschiddlech Manéieren a mat verschiddene Sozialformen asetzen. Deem eenzelnen Enseignant bleift doduerch e grousst Mooss u Selbststännegkeet an der Gestaltung vum Cours.

Gläichzäiteg bitt de Centre national de littérature och eng Rei vu Formations continues zur Literatur vu Lëtzebuerger Auteuren am Enseignement secondaire un.

Dir fannt des Dossieren um Site vun der Éducation nationale ënnert der Rubrik Ressources pédagogiques – Lëtzebuerger Auteuren: http://www.education.lu/Ressources

Méi Informatiounen zur Mapp an zur Formation continue kritt dir am CNL:
nathalie.jacoby@cnl.etat.lu

Bis elo sinn erauskomm:

  • Guy Helminger
    Theater
    Zu enger Kuerzgeschicht aus dem Band Etwas fehlt immer, den 2005 am Suhrkamp Verlag erauskoum.
  • Joseph Funck
    Kleines Schicksal
    Zur Ufankspassage vun dësem Roman, den 1934 fir d’éischt erauskoum.
  • Jean Portante
    Mrs Haroy ou la mémoire de la baleine
    Zu zwee Passagen aus dësem Roman vun 1993.
  • Lambert Schlechter
    Le murmure du monde et autres fragments
    Zu engem Extrait vun dësem Text aus dem Joer 2006.
  • Hugo Gernsback
    Ralph 124C 41+
    Zur Science-Fiction-Literatur vum Hugo Gernsback – de Roman Ralph 124C 41+ ass vun 1911/12.

Geplangt fir 2018 sinn Dossieren zu Texter vum Georges Hausemer, Marie-Henriette Steil, Margret Steckel a Paul Palgen.

Aktualiséiert