Schreiwen an der Kris
Wat kann engagéiert Literatur ?
Wann an der Gesellschaft eng Kris déi aner jot, stellt sech d’Fro no der Roll vun der Konscht mat neiem Nodrock. Wat ka Literatur an enger Welt am Ëmbroch iwwerhaapt nach bewierken? An ass literarescht Schafen a Krisenzäiten éischter eng bewosst Entscheedung oder schonn en onweigerlechen Imperativ?
An enger Diskussiounsronn beschwätze mir de 24. November 2026 um 19:30 Auer am CNL, wéi literaresch Stëmmen als Medium vun der Zäitdiagnos fungéiere kënnen. Wéi hannerfreet een als Auteur Konflikter, sozial Ongerechtegkeeten an demokratesch Prozesser? Wéi een Afloss huet Literatur op déi ëffentlech Meenungsbildung? Wéi léisst sech gesellschaftspolitesch Haltung artikuléieren, ouni datt d’Konscht an eng didaktesch Instrumentaliséierung ëmschléit?
An Zesummenaarbecht mam forum
