©Filip Wirthor
Vun anekdoteschen Erzielungen iwwer literaresch Momentopname bis hin zur Romantrilogie – d’Texter vum Emil Angel, Alexandra Fixmer, Jhemp Hoscheit a Carla Lucarelli weisen, wéi ënnerschiddlech ee vun der Kandheet erziele kann. D’Kanner, déi an hire Bicher zu Wuert kommen, wuessen net just a véier verschiddene Joerzéngten, mee och a verschiddene kulturelle Milieuen op.
Dass si trotzdeem sou muenches gemeinsam hunn, wäerte mir de 16. Januar héieren, wann déi 4 Schrëftsteller:innen aus hiren Texter liesen.